Jos 12 | NdeIBE | STEP | La ngamakhosi elizwe elanqotshwa ngabako-Israyeli njalo abalesabelo esathunjwayo empumalanga yeJodani, kusukela eDongeni lwase-Arinoni kusiya entabeni yaseHemoni, okugoqela lonke icele langempumalanga ye-Arabha:

Joshua 12

Uluhlu lwamakhosi ehlulwayo

1 La ngamakhosi elizwe elanqotshwa ngabako-Israyeli njalo abalesabelo esathunjwayo empumalanga yeJodani, kusukela eDongeni lwase-Arinoni kusiya entabeni yaseHemoni, okugoqela lonke icele langempumalanga ye-Arabha:

2 USihoni inkosi yama-Amori, wayebusa eHeshibhoni. Wayebusa kusukela e-Aroweri emaphethelweni oDonga lwase-Arinoni – kusukela phakathi laphakathi kodonga kusiyafika emfuleni uJabhokhi, oyiwo umngcele wama-Amoni. Lokhu kwakugoqela ingxenye yeGileyadi.

3 Wayebusa njalo empumalanga ye-Arabha kusukela olwandle lweKhinerethi kusiyafika olwandle lwe-Arabha (uLwandle lweTshwayi) kusiya ngeningizimu phansanyana kwemithezuko yasePhisiga:

4 Lelizwe lika-Ogi inkosi yaseBhashani, omunye wamaRafeyithi okucina owayebusa e-Ashitharothi le-Edreyi. 5 Wabusa eNtabeni yaseHemoni, eSalekha, iBhashani yonke kusiya emngceleni wabantu beGeshure le-Mahakha, lengxenye yeGileyadi kusiya emngceleni kaSihoni inkosi yeHeshiboni.

6 UMosi inceku kaJehova, labako-Israyeli babanqoba. UMosi inceku kaJehova wanika ilizwe labo kumaRubheni lamaGadi lengxenye yesizwana sakoManase ukuthi libe ngelabo.

7 La yiwo amakhosi elizwe lelo uJoshuwa labako-Israyeli abalithumbayo eceleni elisentshonalanga yeJodani, kusukela eBhadi Gadi esiGodini seLebhanoni kusiya eNtabeni yeHalakhi ekhangele eSeyiri (amazwe abo uJoshuwa wawanika njengelifa ezizwaneni zako-Israyeli kusiya ngezigaba zezizwana zabo –

8 indawo elamaqaqa, amawatha asentshonalanga, i-Arabha, lemithezukweni yezintaba, inkangala leNegebi – amazwe amaHithi, ama-Amori, amaKhenani, amaPherizi, amaHivi lamaJebusi):

9 inkosi yaseJerikho eyodwa inkosi yase-Ayi (eduzane leBhetheli) eyodwa

10 inkosi yaseJerusalema eyodwa inkosi yaseHebhroni eyodwa

11 inkosi yaseJarimuthi eyodwa inkosi yaseLakhishi eyodwa

12 inkosi yase-Egiloni eyodwa inkosi yaseGezeri eyodwa

13 inkosi yaseDhebhiri eyodwa inkosi yaseGederi eyodwa

14 inkosi yaseHorima eyodwa inkosi yase-Aradi eyodwa

15 inkosi yaseLibhima eyodwa inkosi yase-Adulamu eyodwa

16 inkosi yaseMakheda eyodwa inkosi yaseBetheli eyodwa

17 inkosi yase-Afeki eyodwa

18 inkosi yaseLasharoni eyodwa

19 inkosi yaseMadoni eyodwa inkosi yaseHazori eyodwa

20 inkosi yaseShimroni Meroni eyodwa inkosi yase-Akhishafi eyodwa

21 inkosi yaseThahanakhi eyodwa inkosi yaseMegido eyodwa

22 inkosi yaseKhedeshi eyodwa inkosi yaseJokhineyami eKhameli eyodwa

23 inkosi yaseDori (eNafothi Dori) eyodwa inkosi yase Goyimi eGiligali eyodwa

24 inkosi yaseThiriza eyodwa Esewonke ayengamakhosi angama-tshumi amathathu lanye.